ᐅᑯᐊ Shear Diamond-ᑯᑦ ᔨᐅᕆᑰᒥ ᐱᓕᕆᕕᒃ


ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᓐ ᐊᑎᓕᐅᖃᑎᖃᖅᓯᒪᓕᖅᑐᑦ ᐊᖏᕈᑎᓂᒃ ᑯᐊᐳᕇᓴᒃᑯᑦ ᐊᖏᖃᑎᖃᖅᓱᑎᒃ Shear Diamonds Ltd.-ᑯᓐᓂᒃ ᑲᓇᑕᒥ ᑲᒻᐸᓂᓂᒃ ᕿᓂᖅᑏᑦ ᐅᔭᖃᓂᒃ ᓯᑎᓛᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᐅᑯᐊ Shear Diamonds-ᑯᑦ ᓇᖕᒥᓂᓖᑦ ᔨᐅᕆᑰᒃᑯᑦ ᓯᑎᓛᓂᒃ ᐅᔭᕋᓐᓂᐊᖅᕕᐊᓐᓂᒃ Jericho Diamond Mine-ᑯᑦ ᐊᒻᒪᓗ ᑖᒃᑯᐊ ᑲᒻᐸᓃᑦ ᐊᖏᓪᓕᒋᐊᕆᓛᕈᒪᖕᒪᑕ ᐱᓕᕆᕕᖕᒥᓐᓂᒃ ᐊᒻᒪᓗ ᕿᒥᕐᕈᒻᒪᑕ ᐊᑑᑕᐅᖃᑦᑕᓛᖅᑐᓂᒃ ᑮᓇᐅᔾᔭᒃᓴᕕᒃᓴᒥᒃ ᔨᐅᕆᑰᒥ Jericho-ᒥ. ᑲᒻᐸᓂᒃᑯᖏᑦ ᐊᖏᔪᒥᒃ ᐱᓕᕆᐊᒃᓴᖃᒻᒪᑕ ᔨᐅᕆᑰᒥ ᐊᖏᓪᓕᒋᐊᓛᕈᒪᖕᒪᑕ ᐅᔭᕋᓐᓂᐊᖅᕕᖕᒥᒃ ᑕᐃᒪᖓᕐᓂᑕᐅᓕᖅᑐᒥᒃ ᓯᑎᓛᓂᒃ ᐱᑕᓕᖕᒥᒃ ᐊᒻᒪᓗ ᐱᔭᕇᑉᐸᓪᓕᐊᖕᒪᑕ ᓄᑖᓂᒃ ᑮᓇᐅᔾᔭᒃᓴᐅᑎᒃᓴᓂᒃ ᕿᒥᕐᕈᔭᐅᒋᐊᓕᖕᓂᒃ ᐊᒡᒋᖅᑎᓪᓗᒋᑦ ᐊᑯᓂᐅᖏᑦᑐᖅ ᐊᕐᕌᒍᐃᑦ ᐊᑑᑕᐅᓛᖅᑐᓂᒃ.

ᐱᑕᖃᒻᒪᑕ ᐱᓕᕆᐊᒃᓴᐅᔪᓐᓇᖅᑐᑦ ᖃᓂᒋᔮᓂ ᔨᐅᕆᑰᑉ ᐅᔭᕋᓐᓂᐊᖅᕕᐊᑕ ᐱᕙᓪᓕᐊᑎᑦᓯᑲᓐᓂᕈᑎᒃᓴᑦ ᐊᑑᑎᔪᒪᒐᔭᖅᑕᖏᑦ ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᒃᑯᑦ. ᐊᖏᕈᑎᑦ ᐋᕿᒃᓱᖅᑕᐅᖄᕆᐊᖃᒻᒪᑕ ᐱᒋᐊᕐᖓᐅᑕᐅᓯᒪᔪᑦ ᓯᕗᓪᓕᐅᑎᑕᐅᓗᑎᒃ, ᐊᑐᐃᓐᓇᕈᖅᑕᐅᔪᓐᓇᖅᑐᑦ ᐱᓕᕆᖃᑎᒌᓪᓗᑎᒃ ᕿᒥᕐᕈᔭᐅᓗᑎᒃ ᐱᓕᕆᕖᑦ ᑐᙵᕕᒃᓴᖏᑦᑕ ᐋᕿᒃᓯᒪᔾᔪᑎᒃᓴᖏᑦ ᐱᕙᓪᓕᐊᔭᐅᓕᖅᐸᑕ ᐊᑑᑎᓂᖃᕈᓐᓇᖅᑐᑦ ᐅᔭᕋᓐᓂᐊᖅᕕᖕᒨᖓᔪᑦ. ᑕᒪᒃᑯᐊ ᐊᒃᑐᐊᓂᖃᓪᓚᕆᒻᒪᑕ ᐅᑯᐊ ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᒃᑯᑦ ᒪᓕᒐᖏᑦᑎᒍᑦ ᐱᖁᔭᖅᔪᐊᖅᑎᒍᑦ ᑮᓇᐅᔭᖃᕈᑎᒃᓴᓂᒃ ᐊᒻᒪᓗ ᐊᐅᓚᑦᓯᔾᔪᑎᒃᓴᓪᓚᕇᑦ ᐱᓕᕆᕕᐅᒐᔭᖅᑐᒧᑦ ᑐᙵᕕᒃᓴᒥᒃ ᑕᒪᒃᑯᓄᖓᖓᔪᑦ ᐊᑑᑎᓂᖃᕋᔭᕐᒪᑕ ᐊᖏᔪᒥᒃ ᐲᔭᐃᒍᑎᑎᒍᑦ ᐊᑑᑕᐅᓕᖅᐸᑕ ᐊᑐᖅᑐᑦ ᐊᑭᓕᖅᑐᐃᒍᑎᖏᑦᑎᒍᑦ ᐅᕝᕙᓗᑭᐊᖅ ᐊᑭᓕᖅᑐᒐᖃᕈᑕᐅᕙᔪᔪᑦ ᐅᑎᖅᑎᑕᐅᒃᐸᑕ ᐋᕿᒃᓯᒪᔾᔪᑎᖏᑦ.