ᑐᓴᒐᒃᓴᑦ ᐱᔪᑦ ᐃᒃᓯᕙᐅᑕᕐᒥᒃ


ᐅᑯᐊ ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᓐ ᐊᖁᑕᐅᑦᓯᐊᕐᓂᐊᖁᓇᖅᐳᑦ ᐱᕙᓪᓕᐊᔪᓕᕆᔾᔪᑎᓅᖓᔪᓄᑦ ᓄᓇᕗᑦᒥ ᐊᒻᒪᓗ ᓴᕿᐅᒪᓂᖃᓪᓚᕆᒡᓗᑎᒃ ᐅᔾᔨᓇᓪᓚᕆᒃᑐᓂᒃ ᐱᕙᓪᓕᐊᔪᓂᒃ ᑐᓴᖃᑦᑕᕐᓂᐊᕋᑦᑕ ᖃᓄᑐᐃᓐᓇᖅ ᐱᔾᔪᑎᓕᖕᓂᒃ ᐊᑯᕐᖓᓐᓂ ᐃᓄᐃᑦ ᐊᒻᒪᓗ ᐊᑐᐃᓐᓇᕆᔭᖏᓐᓂᒃ ᖃᓄᐃᑦᑐᑐᐃᓐᓇᕐᓂᒃ ᐱᕙᓪᓕᐊᔪᓂᒃ. ᑭᖑᕐᖓᒍᑦ ᐋᕿᒃᑕᐅᓚᐅᖅᑎᓪᓗᒋᑦ ᓄᓇᕗᑦᒥ ᓄᓇᑖᕈᑕᐅᓯᒪᔪᑦ ᐊᖏᕈᑎᑦ ᑕᐃᒪᖓᓂᑦ ᒪᑭᒪᑦᓯᐊᓂᖅᓴᐅᓕᕋᑦᑕ, ᓂᕆᐅᖕᓂᖃᑦᓯᐊᕋᑦᑕ ᓯᕗᓂᒃᓴᖏᓐᓂᒃ ᕿᑐᕐᖓᑦᑕ. ᒪᓕᒐᑦ ᐊᑑᑎᓂᖃᒻᒪᑕ ᐱᖁᔭᖅᑎᒍᑦ ᓄᓇᕗᑦᒥ ᓄᓇᑖᕈᑕᐅᓯᒪᔪᑦ ᐊᖏᕈᑎᑦ, ᐊᑐᐃᓐᓇᕐᓂᒃ ᐱᕙᓪᓕᐊᑎᑦᓯᔩᑦ ᒫᓐᓇ ᐋᔩᖃᑕᐅᖃᑦᑕᓚᖓᓕᕐᒪᑕ ᐊᒃᑐᐊᓂᓕᖕᓂᒃ ᐊᒻᒪᓗ ᐊᑑᑎᓂᓕᖕᓂᒃ ᐊᖏᕈᑎᑎᒍᑦ ᐊᖏᖃᑕᐅᖃᑦᑕᕐᓗᑎᒃ ᐃᓄᐃᑦ. ᑭᖑᕐᖓᒍᑦ ᓴᕿᐊᔭᐅᓲᑦ ᐊᑑᑕᐅᒋᐊᖃᒻᒪᑕ, ᐱᓕᕆᐊᒃᓴᑦ, ᓴᓇᒋᐅᖅᓴᐅᑏᑦ ᐊᒻᒪᓗ ᐊᑐᐃᓐᓇᕈᕋᐃᑉᐸᑕ ᖃᓄᐃᑦᑐᑐᐃᓐᓇᐃᑦ ᐱᓕᕆᕕᖁᑎᑦᑎᒍᑦ ᐊᑑᑕᐅᒋᐊᖃᖅᓯᒪᔪᑦ ᐊᑑᑕᐅᖃᑦᑕᕐᓂᐊᕐᒪᑕ. ᑕᒪᒃᑯᓄᖓᖓᔪᑦ ᑕᐃᒪᐃᒻᒪᑕ, ᑭᖑᕐᖓᒍᑦ ᐅᑎᕈᒫᕐᓂᐊᕐᒪᑕ ᐊᑑᑎᓂᖏᑦ ᐊᑑᑕᐅᖃᑦᑕᓕᖅᐸᑕ ᐱᔪᑦ ᐊᑐᐃᓐᓇᕆᔭᓂᒃ ᐱᕙᓪᓕᐊᑎᑦᓯᒍᑎᓂᒃ ᑕᒪᒃᑯᐊ ᓱᓕ ᐊᑑᑕᐅᓚᐅᖅᓯᒪᖏᒻᒪᑕ ᒫᓐᓇᒧᓄᑦ. ᑕᒪᒃᑯᐊ ᐊᑑᑕᐅᓛᕐᒪᑕ ᑭᓯᐊᓂ ᐃᓄᐃᑦ ᐊᑑᑎᔪᓐᓇᓕᖅᐸᑕ ᐊᑑᑎᒍᒪᓯᒪᔭᒥᓐᓂᒃ ᑎᑭᐅᑎᔪᓐᓇᕐᒪᑕ ᐃᓘᓐᓇᖏᓐᓄᑦ ᐃᓚᐅᖃᑕᐅᓗᑎᒃ ᐅᑭᐅᖅᑕᖅᑐᒥ ᐱᓕᕆᐊᒃᓴᓕᕆᔾᔪᑎᓂᒃ ᓇᖕᒥᓂᖃᒻᒪᑕ ᐊᑑᑎᓂᓕᖕᓂᒃ ᐊᒻᒪᓗ ᐱᓕᕆᕖᑦ ᐋᕿᒃᓯᒪᔾᔪᑎᖏᓐᓂᒃ ᐱᕙᓪᓕᐊᑎᑦᓯᔪᖃᑦᑎᓪᓗᒍ ᐱᓕᕆᕕᖕᓂᒃ ᓄᓇᖁᑎᑦᑎᓐᓂ.

ᐊᖁᑕᐅᓗᑎᒃ ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᓐ, ᐃᓄᐃᑦ ᓄᓇᕗᑦᒥ ᓇᖕᒥᓂᖃᓪᓚᕆᓕᓛᕐᒪᑕ ᓯᕗᓂᒃᓴᑎᓐᓂ ᐊᒻᒪᓗ ᐊᐅᓚᑦᓯᔨᐅᓗᑎᒃ ᐊᑐᐃᓐᓇᕐᓂᒃ ᐱᕙᓪᓕᐊᑎᑦᓯᒍᑎᓂᒃ. ᓇᖕᒥᓂᖃᕋᑦᑕ ᐊᑐᐃᓐᓇᕆᔭᑦᑎᓐᓂᒃ ᐱᕙᓪᓕᐊᑎᑦᓯᕕᒃᓴᓂᒃ ᐱᓕᕆᕕᐅᓗᑎᒃ ᑕᒪᒃᑯᐊᑦᑕᐅᖅ ᐊᑑᑕᐅᑦᓯᐊᕈᓐᓇᕐᒪᑕ ᐃᓄᖕᓄᑦ ᐊᑑᑎᓂᖃᑦᑐᑦ, ᐃᓕᖁᓯᑦᑎᒍᑦ ᐊᒻᒪᓗ ᓄᓇᒋᒐᑦᑎᒍᑦ ᓄᓇ, ᑕᒪᒃᑯᐊ ᑭᑭᑕᐅᔭᕆᐊᖃᖏᒻᒪᑕ, ᓯᕗᓪᓕᐅᔾᔭᐅᓗᑎᒃ ᐱᕙᓪᓕᐊᑎᑦᓯᔪᖃᓕᕋᐃᒻᒪᑦ ᐸᕐᓇᐃᒍᑕᐅᓲᑦ ᐊᒻᒪᓗ ᐋᕿᒃᓱᐃᒍᑕᐅᓲᑦ.

ᐱᑕᖃᓪᓚᕆᒻᒪᓂᓛᒃ ᐊᒥᓱᐊᓗᖕᓂᒃ ᑕᐸᐃᕐᓇᓪᓚᕆᒃᑐᓂᒃ ᐊᑐᐃᓐᓇᕐᓂᒃ ᐱᕙᓪᓕᐊᑎᑦᓯᕕᒃᓴᓂᒃ ᓇᒥᑐᐃᓐᓇᖅ ᓄᓇᕗᓗᒃᑖᒥ. ᒫᓐᓇ ᓈᒻᒪᓕᕐᒪᑦ ᐊᑑᑎᒋᐊᖃᓪᓚᕆᓕᕐᒪᑕ ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᐅᔾᔪᑎᓖᑦ. ᐊᑏ ᒪᑐᒪ ᑭᖑᕐᖓᒍᑦ ᐃᓚᐅᓛᓕᖁᒍᑦ ᐊᒻᒪᓗ ᒪᑭᒪᔪᓐᓇᑦᓯᐊᕐᓂᐊᓕᕋᑦᑕ ᑲᑐᔾᔨᖃᑎᒌᓪᓗᑕ. ᖁᐊᓇ

ᓵᓕ ᐃᕚᓕᒃ, ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᒃᑯᓐᓄᑦ ᐃᒃᓯᕙᐅᑕᖅ