ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᓐ


ᐅᕙᓂ 2009, ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ ᐋᕿᒃᓱᐃᔪᒻᒪᑕ ᖃᓄᑐᐃᓐᓇᖅ ᐊᑑᑎᓂᖃᕈᓐᓇᖅᑐᓂᒃ ᓇᑭᑐᐃᓐᓇᖅ ᐱᔪᓂᒃ ᐃᓄᐃᑦ ᓇᖕᒥᓂᖏᓐᓂᒃ ᐊᑐᐃᓐᓇᕐᓂᒃ ᑯᐊᐳᕇᓴᑎᒍᑦ ᐱᓕᕆᐊᖑᔪᓐᓇᖅᑐᓂᒃ, ᐱᕈᑉᐹᓪᓕᕈᑕᐅᔪᓐᓇᖅᑐᓂᒡᓗ, ᐱᔪᓂᒃ ᐊᖏᓈᖅᓯᒪᔪᓂᒃ, ᓄᓇᓂ ᐊᕕᒃᑐᖅᓯᒪᔪᒥᐅᑎᒍᑦ, ᓄᓇᒥᐅᑕᑦ ᐅᑎᕈᓐᓇᐃᓪᓕᓲᑦ ᐱᐅᓯᕐᒥᓄᑦ ᐱᕙᓪᓕᐊᑎᑦᓯᕕᐅᕙᒃᑐᑦ ᓄᓇᕗᑦᒥ. ᐋᕿᒃᓯᒪᔾᔪᑖ ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᐅᔾᔪᑎᓖᑦ ᐱᒋᐊᖄᔪᖕᒪᒍ ᐋᕿᒃᓱᒍ ᓯᕗᓪᓕᖅᐹᒥ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦᑕ, ᐊᓱᐃᓪᓛᒃ, ᑕᐃᒪᖓᓂᑦ, ᐊᖁᑎᔪᓐᓇᑦᓯᐊᓕᖅᑕᖓᑦ ᐱᔪᓐᓇᐅᑎᒋᓪᓗᒍ ᑭᒃᑯᑐᐃᓐᓇᕐᓂᑦ ᐊᓯᖏᓐᓂᒃ ᐃᓚᒋᔭᐅᔾᔪᑎᓕᒃᑎᒍᑦ. ᐅᕙᓂ March 2010-ᒥ, ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᒃᑯᑦ ᓴᕿᕆᐊᖓᔪᒻᒪᑕ ᐱᖁᔭᖅᑎᒍᑦ ᓇᓗᓇᐃᖅᑕᐅᓪᓗᑎᒃ ᐊᒻᒪᓗ ᐃᓚᒋᔭᐅᓕᖅᓱᑎᒃ ᓄᓇᕗᑦᒥ ᐊᒻᒪᓗ ᐃᐅᓪᐹᑕᒥ Alberta-ᒥ.

ᐋᕿᒃᓯᒪᔾᔪᑎᒋᓪᓚᕆᒃᑕᖓᑦ ᐅᑯᐊ ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᒃᑯᑦ ᐋᕿᒃᓱᐃᓚᖓᔪᒻᒪᑕ ᓄᑖᒥᒃ, ᐊᔾᔨᐅᖏᑦᑐᒥᒃ ᐊᖁᑎᒋᖃᑦᑕᕐᓂᐊᖅᑕᒥᓐᓂᒃ ᐱᔪᓐᓇᐅᑎᒋᓗᒍ ᖃᓄᑐᐃᓐᓇᖅ, ᐋᕿᒃᓱᐃᒍᑎᒋᓗᒍᓗ ᑮᓇᐅᔾᔭᒃᓴᐅᑎᒃᓴᓂᒃ ᓄᓇᕗᑦ ᐱᕚᓪᓕᕈᑎᒃᓴᖏᓐᓂᒃ ᐱᕈᑉᐸᓪᓕᐊᑎᑦᓯᒍᑎᒃᓴᓂᒃ ᐊᑭᑐᔫᑎᓂᒃ ᑕᒫᓂ. ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᐅᔾᔪᑎᓖᑦ ᓴᓇᔭᐅᓯᒪᖕᒪᑕ ᑮᓇᐅᔾᔭᒃᓴᐅᑕᐅᔪᓐᓇᖅᑐᓂᒃ ᐱᕙᓪᓕᐊᑎᑦᓯᒍᑎᓄᑦ ‘ᓴᓇᕐᕈᑕᐅᓂᐊᖅᑎᓪᓗᒍ’ ᐊᖅᑯᑎᒋᔭᐅᓗᓂ ᐊᑑᑕᐅᓕᖅᐸᑕ ᐋᕿᒋᐊᖅᓯᒪᔭᑦ ᓈᒻᒪᓂᖅᓴᐅᓕᖅᑎᓪᓗᒋᑦ ᐱᔪᓐᓇᐅᑎᑦ ᐱᕈᑉᐸᓪᓕᐊᑎᑦᓯᒍᑎᒃᓴᓂᒃ ᐊᑭᑐᔫᑎᓕᕆᔾᔪᑎᑦ ᐊᑑᑕᐅᑎᓪᓗᒋᑦ ᕿᑎᕐᒥᐅᓂ. ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᒃᑯᑦ ᐊᖏᖃᑎᖃᓛᕈᒪᔪᑦ ᒐᕙᒪᒃᑯᓐᓂᒃ ᐊᒻᒪᓗ ᐱᓕᕆᕕᖁᑎᓕᖕᓂᒃ ᑲᑐᔾᔨᖃᑎᒥᓐᓂᒃ ᐊᐅᓚᑦᓯᖃᑦᑕᕐᓂᐊᕐᒪᑕ ᐱᕙᓪᓕᐊᑎᑦᓯᒍᑎᓂᒃ ᐊᒻᒪᓗ ᐱᕈᑉᐸᓪᓕᐊᒍᑎᒃᓴᓂᒃ ᓄᓇᕗᑦᒥ ᓄᓇᒥ ᐅᑎᕈᓐᓇᖏᑦᑐᓂᒃ ᐱᓕᕆᕕᖕᓂ. ᐊᑑᑎᓛᕈᒪᖕᒥᔪᑦ ᐊᔾᔨᐸᓗᑦᓴᐃᓐᓇᖓᒍᑦ ᐊᑑᑎᓗᑎᒃ ᓄᓇᖃᖅᑳᖅᓯᒪᔪᑦ ᐱᕈᑉᐸᓪᓕᐊᑎᑦᓯᒍᑎᒃᓴᖏᓐᓂᒃ ᓇᒥᒥᐅᑐᐃᓐᓇᕐᓄᑦ ᑲᓇᑕᒥ, ᐱᔾᔪᑎᒋᓗᒋᑦ ᓄᓇᖃᖅᑳᖅᓯᒪᔪᑦ ᓱᓪᓗᓕᖕᓂᒃ ᐅᖅᓱᐊᓗᓕᕆᔨᒃᑯᑦ ᑲᑐᔾᔨᖃᑎᒌᑦ ᐊᒻᒪᓗ ᐊᓯᖏᓐᓂᒃ ᑲᑐᔾᔨᖃᑎᒌᓂᒃ ᐊᖏᔫᑎᓂᒃ ᐱᕙᓪᓕᐊᑎᑦᓯᕕᖕᓂᒃ ᐱᓕᕆᕕᖕᓂᒃ. ᐊᒥᓱᑦ ᐊᖏᔫᑎᑦ ᑲᓇᑕᒥᐅᑦ ᑮᓇᐅᔭᓕᕆᕕᖏᑦ ᐃᓕᑕᖅᓯᓯᒪᔪᑦ ᑕᒪᒃᑮᓐᓂᒃ ᐊᑑᑕᐅᔪᓐᓇᖅᑐᑦ ᐊᑐᐃᓐᓇᕈᐊᒃᐸᑕ ᐊᒻᒪᓗ ᑕᒪᒃᑯᓄᖓᖓᔪᓄᑦ ᐱᕈᑉᐸᓪᓕᐊᑎᑦᓯᒍᑎᒃᓴᓂᒃ ᓇᓪᓕᐊᒃᑯᑐᐃᓐᓇᖅ ᐊᒻᒪᓗ ᐋᕿᒃᓯᒪᔭᓂᒃ ᐊᑭᑐᔫᑎᓕᕆᔾᔪᑎᓂᒃ ᐊᒻᒪᓗ ᑮᓇᐅᔭᓂᒃ ᐸᐸᑦᓯᒍᑎᓂᒃ ᐱᕈᑉᐹᓪᓕᕈᑎᒃᓴᓂᒃ ᐊᐅᓚᑦᓯᒍᑎᓂᒃ ᐱᓕᕆᕕᖕᓅᖓᔪᓂᒃ ᑕᒪᒃᑯᓄᖓᖓᔪᓄᑦ ᐊᑑᑕᐅᔪᓐᓇᖅᑐᓂᒃ.

ᐊᑭᑐᔫᑎᓕᕆᔾᔪᑎᑦ ᐋᕿᒃᓯᒪᔭᖏᑦ ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᒃᑯᑦ ᐱᕈᑉᐹᓪᓕᐊᑎᑦᓯᓛᕈᒪᔪᑦ ᐅᑯᓂᖓ ᐋᕿᒃᓱᐃᓗᑎᒃ ᐱᓕᕆᔾᔪᑎᒃᓴᓂᒃ:

  • ᐋᕿᒃᓯᓗᑎᒃ ᐱᕈᑉᐹᓪᓕᕈᑎᒃᓴᓂᒃ ᐊᑐᐃᓐᓇᕐᓄᑦ ᑲᑉᐸᓂᓄᑦ ᒫᓐᓇ ᐱᕙᓪᓕᐊᑎᑦᓯᕕᖕᓄᑦ ᓄᓇᓂ ᐊᕕᒃᑐᖅᓯᒪᔪᓂ, ᓄᓇᒥᐅᑕᕐᓂᒃ ᐅᑎᕈᓐᓇᖏᑦᑐᓂᒃ ᐊᑑᑕᐅᔪᓐᓇᖅᑐᓂᒃ ᓄᓇᕗᑦᒥ; ᐅᕝᕙᓗᑭᐊᖅ

ᐊᒃᑐᐊᓂᖃᕝᕕᒋᖏᑕᕋᓗᐊᖏᓐᓄᑦ ᐱᕚᓪᓕᕈᑎᒃᓴᓂᒃ ᐱᕈᑉᐸᓪᓕᐊᑎᑦᓯᒍᑎᓂᒃ ᓄᓇᒥ ᐅᑎᕈᓐᓇᖏᑦᑐᓂᒃ ᐱᓕᕆᕕᐅᕙᒃᑐᑦ ᐱᕙᓪᓕᐊᑎᑦᓯᔪᖃᑦᑎᓪᓗᒍ ᑕᒪᒃᑯᓄᖓᖓᔪᓄᑦ ᐃᑲᔪᕈᓐᓇᕐᒪᑕ ᐋᕿᒃᓯᒪᔾᔪᑎᖏᓐᓄᑦ, ᐊᖁᑎᓄᑦ, ᑐᓴᐅᒪᑎᑦᓯᒍᑎᓅᖓᔪᓄᑦ, ᑲᑎᖅᑐᕐᓗᑎᒃ ᓱᕐᕋᐅᑕᐅᔪᓐᓇᓪᓚᕆᒻᒪᑕ ᐱᔭᐃᔾᔪᑎᓅᖓᔪᓄᑦ ᐊᑐᖅᑐᑦ ᓄᓇᒥᒃ ᐊᑭᓕᖅᑐᐃᒍᑕᐅᓲᓄᑦ ᐅᕝᕙᓗᑭᐊᖅ ᐅᑎᖅᕕᐅᓲᑦ ᐱᓕᕆᕖᑦ ᐊᑭᓕᖅᑐᐃᕕᐅᒃᑲᓐᓂᖅᓱᑎᒃ ᐋᕿᒃᓯᒪᔾᔪᑎᖏᑦ.

    ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᓐ ᐊᑑᑎᓛᕈᒪᔭᖏᑦ

    ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᓐ ᐊᑑᑎᒍᓐᓇᖅᓯᓛᖅᑐᑦ ᑎᑭᐅᑎᒍᑎᒃ ᐊᑐᐃᓐᓇᕆᔭᒥᓐᓂᒃ ᐅᕝᕙᓗᑭᐊᖅ ᐊᑐᐃᓐᓇᕆᖏᑕᕋᓗᐊᕐᒥᓐᓂᒃ ᐃᓄᐃᑦ ᐃᓚᐅᔾᔪᑎᒃᓴᖏᓐᓂᒃ ᐱᓕᕆᐊᒃᓴᓅᖓᔪᓂᒃ ᐊᖏᓈᖅᓯᒪᔪᓂᒃ ᐊᑐᐃᓐᓇᐅᔪᓂᒃ ᐱᕙᓪᓕᐊᔭᓂᒃ ᓄᓇᕗᑦᒥ. ᐊᑑᑎᖃᑦᑕᕐᓗᑎᒃ ᒪᑯᓄᖓᖓᔪᓄᑦ, ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᓐ ᒪᑯᓂᖓ ᐊᑑᑕᐅᑎᑦᓯᖃᑦᑕᕐᓂᐊᖅᑐᑦ:

    • ᐊᑐᐃᓐᓇᐅᑎᑦᓯᖃᑦᑕᕐᓗᑎᒃ ᐃᓄᐃᑦ ᐱᕕᒃᓴᖃᕝᕕᒋᓂᐊᖅᑕᖏᓐᓂᒃ ᓇᖕᒥᓂᖃᕈᑎᓂᒃ ᐊᒻᒪᓗ ᐊᐅᓚᑦᓯᒍᑎᒋᖃᑦᑕᕐᓂᐊᖅᑕᖏᓐᓂᒃ ᓄᓇᒥᐅᑕᓂᒃ ᓄᓇᕗᑦᒥ
    • ᐋᕿᒃᓱᐃᓗᑎᒡᓗ ᒪᑭᒪᑦᓯᐊᕈᑕᐅᔪᓐᓇᕐᓂᖅᓴᓂᒃ ᓄᓇᓕᒃᑎᒍᑦ ᐊᒻᒪᓗ ᓄᓇᕗᑦᒥ ᑮᓇᐅᔾᔭᒃᓴᐅᑎᒃᓴᓂᒃ ᐊᑑᑕᐅᔪᓐᓇᖃᑦᑕᓛᖅᑐᓂᒃ ᑕᐃᒪᖓᓕᒫᖅ ᑭᙳᕐᖓᒎᒐᓗᐊᖅ ᒪᑐᒪ ᐋᕿᒃᓯᒪᔪᓂᒃ ᐊᑭᑐᔫᑎᓕᕆᔾᔪᑎᑦ ᐱᕚᓪᓕᕈᑎᒃᓴᑦ ᑐᙵᕕᒃᓴᖏᓐᓂᒃ
    • ᐋᕿᒋᐊᖅᑕᐅᓗᑎᒃ ᐱᓕᕆᕕᖁᑕᐅᔪᑦ, ᓴᓇᔭᒃᓴᑦ ᐊᒻᒪᓗ ᐱᓕᕆᒋᐅᖅᓴᐅᑎᒃᓴᖏᑦ ᓄᓇᕗᑦᒥᐅᑦ
    • ᐊᑐᐃᓐᓇᐅᑎᑦᓯᖃᑦᑕᕐᓗᑎᒃ ᖁᑦᓯᓂᖅᓴᓅᖓᔪᓂᒃ ᑲᓇᑕᒥ ᑮᓇᐅᔭᓕᕆᔾᔪᑎᓂᒃ ᐊᒻᒪᓗ ᐱᕚᓪᓕᕈᑎᒃᓴᖏᓐᓂᒃ ᐱᓕᕆᐊᖑᕙᒃᑐᑦ ᐱᓕᕆᖃᑕᐅᑦᓯᐊᕈᑎᒃᓴᖏᓐᓂᒃ ᐃᓄᐃᑦ
    • ᐊᑐᐃᓐᓇᐅᑎᑦᓯᖃᑦᑕᕐᓗᑎᒃ ᐃᓄᐃᑦ ᓂᐱᖏᓐᓂᒃ ᖁᑦᓯᓂᖅᓴᓅᖓᔪᓂᒃ ᐱᓕᕆᕕᖏᑦᑎᒍᑦ

    ᐊᑑᑕᐅᑎᑦᓯᓯᐊᖃᑦᑕᕐᓗᑎᒃ ᐱᕙᓪᓕᐊᑦᓯᐊᕈᑎᒃᓴᓂᒃ ᐊᒻᒪᓗ ᐱᕙᓪᓕᐊᓂᖓᓅᖓᔪᓂᒃ ᓄᓇᕗᑦ

      ᐊᑑᑎᓂᖃᕝᕕᒋᔪᓐᓇᖅᑕᖏᑦ ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᒃᑯᑦ ᐋᕿᒃᓯᒪᔾᔪᑎᖏᑦ

      • ᐊᑐᐃᓐᓇᕆᔭᖏᓐᓄᑦ, ᐅᕝᕙᓗᑭᐊᖅ ᐊᑐᐃᓐᓇᕆᑐᐃᓐᓇᖏᑦᑕᖏᓐᓄᑦ ᐃᓚᐅᔾᔪᑎᖏᑦ ᐃᓄᐃᑦ ᐱᕙᓪᓕᐊᑎᑦᓯᕕᖏᓐᓅᖓᔪᑦ ᐱᕚᓪᓕᕈᑕᐅᓛᕐᒪᑕ ᐊᑭᑐᔫᑎᓕᕆᔾᔪᑎᑦ ᐊᒻᒪᓗ ᑮᓇᐅᔾᔭᒃᓴᐅᑎᑦ ᐊᑑᑕᐅᕙᒃᑐᑦ ᓄᓇᕗᑦᒧᑦ
      • ᐋᕿᒃᓯᒪᒍᑎᖏᑦ ᐱᕈᑉᐸᓪᓕᐊᑎᑦᓯᒍᑎᒃᓴᑦ ᐱᕚᓪᓕᕈᑎᒃᓴᖏᑦ ᐋᕿᒃᓯᒪᔾᔪᑎᖏᑦᑕ ᐊᒻᒪᓗ ᐋᕿᒃᓯᒪᔾᔪᑎᑦ ᐊᓯᕈᑉᐸᑕ ᑎᒥᐅᔾᔪᑎᖏᑦ ᖁᒃᓴᓇᖅᑐᒨᖓᓂᐅᓴᓲᑦ ᐊᒻᒪᓗ ᐊᑑᑎᓂᓖᑦ ᐊᔾᔨᒌᒥᒃ
      • ᐃᓄᐃᑦ ᐱᕚᓪᓕᕈᑎᒃᓴᖏᓐᓅᖓᔪᑦ ᐱᕈᑉᐸᓪᓕᐊᑎᑕᐅᓲᑦ ᐊᒃᐸᓯᒃᑐᒨᖓᓕᖅᐸᑕ ᐊᑑᑎᓂᖏᑦ ᐋᕿᒋᐊᖅᕕᖃᓪᓗᑎᒃ ᒪᓕᒃᑐᓂᒃ ᑐᖁᖅᓯᒪᔭᑦ ᐱᕈᑉᐸᓪᓕᐊᔪᒃᓴᓕᕆᔾᔪᑎᑦ ᐱᓕᕆᐊᒃᓴᓅᖓᔪᓄᑦ
      • ᓄᓇᕗᑦᒥ ᐊᑐᐃᓐᓇᕐᓂᒃ ᑯᐊᐳᕇᓴᓐ ᑐᑭᖃᒻᒪᑕ ᐃᒫᒃ ᐃᑲᔪᕈᒫᕐᓂᐊᖅᓱᑎᒃ ᐃᓱᒫᓗᒐᐃᔭᐃᒍᑎᓂᒃ ᒪᑭᒪᑦᓯᐊᕈᑎᒃᓴᓂᒃ ᑮᓇᐅᔾᔭᒃᓴᐅᑎᑦ ᐋᕿᓯᐊᖅᓯᒪᓂᖅᓴᐅᒐᔭᖁᓪᓗᒋᑦ ᓯᕗᓂᒃᓴᖏᓐᓄᑦ ᓄᓇᕗᑦᒥ ᐃᓄᖏᑦ ᐱᕈᑉᐸᓪᓕᐊᑎᓪᓗᒋᑦ ᐊᑑᑕᐅᔪᒫᕐᓂᐊᖅᑐᑦ ᒪᑯᐊ:
      • ᐊᙱᓪᓕᐊᖅᑕᐅᓯᒪᔪᑦ ᐊᑐᐃᓐᓇᕐᓂᒃ ᓇᖕᒥᓂᖃᕈᑏᑦ

                o ᐋᕿᒋᐊᖅᑕᐅᓗᑎᒃ ᑐᙵᕕᖏᑦ ᐱᓕᕆᕖᑦ

                o ᐱᓕᕆᐊᒃᓴᑦ, ᓴᓇᒋᐅᖅᓴᐅᑎᑦ, ᐱᓕᕆᕕᖁᑎᓖᑦ ᐱᓕᕆᐊᒃᓴᑲᓐᓂᖏᓐᓂᒃ