Uqauhia taphuma Ikhivautaliup


Takuyumayatka tapkuat NRC-kut angiyumik pigiaqtitiyiuni maniliugutinut pivaliatitni Nunavutmi tahamnalu alianaqniaq atuqtat kayuhininut uniqkauhiq piqatauninut tahapkuat Inuit piqaqnitlu pivaliatitni. Kinguagut tamna angigutaulgaqtitlugu tapkuat Nunavutagutinut Angigutit (Nunavutagutit) pitaqnivut nakuhivaliqhimayut, piyumanivutluttauq hivunikhainut nutaqavut. Atuliqtitaunianut tahamna Nunavutagutit, piqaqninut pivaliatitiyit angiqatigigahuagiaqaliqtut Aktuaninut Ihuaqutitlu Angigutit tahapkununga Inuit. Taimaittumik piplugu, havakhat, ilihagutit pilaqnilu nanminilipta pitaqtitauyut. Kihimik, tahapkuat anginiqhat palianaqnit tapkunangat piqaqnit pivaliatitni huli pitaqtauhimaittut. Una pilihaqniaq pikpata Inuit pitaqni piyumaqpiaqtatik pitaqninik ilauqpiaqniq ukiuqtaqtumi piqaqnit havangini pilugit nanminigini pigiyauni havagutitlu pivaliatitauyuni havanguyuni atuqtauyut nunaptingni.

Apqutigiplugit tapkuat NRC-kut, tahapkuat Inuit Nunavutmi pilat hivunikhami nanminiqaqniq aulattilutiklu piqaqnit pivaliatitninik. Nanminiginivut piqaqnit pivaliatitninik atuqpiagutauniaqmiyuq tahapkuat hunat Inuit pinnagiyai, ilitquhivut nunavutlu, apluqtaulaittut, kihimik hivulliutyaqtauniat piyagangata pivaliatitit upalungaiyautitlugit atuqpalianinutlu.

Piqaqtuq aqliknaqtunik piqaqnit pivaliatitni pilaqnit Nunavutmi. Tahamna pivikhaq naammakhiyuq tapkununga NRC-kut.  Pigiaqtigu tuklikhat atuqtakhat pivaliqyumititluta piqatigikluta. Koana

Charlie Evalik, NRC-kut Ikhivautalia